A Whole New World

Posted in
Poem: Tagalog · Categories: Erotic · Tags: , ,
Date: July 4, 2019 (18 days ago)


- this poem/story is just a fiction, a work of my imagination, writing some realizations and whatever will be your reaction, I'll take that as a gratification. So please read 'til the end, and enjoy... Salamat po!

Dito sa munting opisina kung saan madalas lumilipad ang isip ko,
Lumilipas ang oras sa mga papeles na gawain, nakaka-stress na meetings at kung minsa'y walang kwentang usapin.
Pero sa ganitong klaseng lugar, dito ko siya natagpuan.
Ang babaeng sa akin ay bumihag at ginawa kong aking mundo.

Pero sa totoo lang, di niya alam yon.

Isang babae na walang kaalam-alam sa mga ginagawa kong lihim na pagsulyap sa kanya.
Walang alam sa mga ginagawa kong pasimpleng pagpapapansin sa kanya.
Walang alam sa paglalagay ko ng wattatops na may notes sa table niya, na nakikita ko, kinakain naman niya, pero yung notes, malamang, nauna na sa basurahan.
Isang babaeng walang alam, na alam ko ang amoy ng pabango niyang baby cologne.. Yung kulay pink.
Isang babaeng walang kaalam-alam kung sino ang naglalagay ng pangalsong bato sa likurang gulong ng kotse niya tuwing pagkatapos niyang magpark.
Walang alam kung sino ang nagpapalit ng bulaklak sa kanyang flower vase sa side table niya na may gasgas ng konti sa gilid dahilan ng pagpasok nito nung pinadeliver ko dito sa opisina dahil ako ang umorder at pumili niyan sa online shopping para iregalo sa kanya noong nakaraang birthday niya, na ang kapalit ay isang matamis na ngiti, yakap na mahigpit at malambing na "thankyou" mula sakanya. Kaya naman solb na solb ang 4,500 pesos ko.... Pero mahirap parin gumising ng maaga, bumili ng bulaklak sa palengke at unahan lahat ng ka-office mate sa pagpasok sa opisina para lang palitan ng isang sariwa at magandang bulaklak na nababagay sa kanyang kagandahan...

Isang babae na mala-diwata sa ganda, simple at palabiro't masarap kasama ang hindi nakakaalam na ako'y hulog na hulog na sakanya.

Di niya pansin, dahil di ako kapansin-pansin.

Sino nga ba ako para sakanya? Isang hamak na ka-trabaho lamang na laging nakabantay, nakamasid at nakasilip sa bawat kilos niya. Oo lahat yan ay ginagawa ko........ ng palihim.

Pero okay lang naman ito sa akin, wala naman akong ibang hinihinging kapalit, gusto ko lang siyang mahalin.

Naalala ko nga noon, malakas ang ulan, nakita ko siya mula sa malayo... Tadhana nga naman... Wala siyang payong!
Kaya't ako'y nagmadali, tumakbo ng mabilis para siya sana'y sunduin, napapabulong pa ako sa sarili na "pagkakataon ko na 'to", pero bigla kong naalala, mapagbiro talaga ang tadhana, wala nga pala akong dalang payong... Pisting yawa!
Pero di ako nawalan ng pag-asa, tadhana'y babaguhin ko, masundo ko lamang ang mahal ko! Kaya ako'y dumeretso, sa 7-11, "ate, may payong po ba kayo?"... Pinili ko yung automatic, kahit P349.50 pesos ang isa, basta lumakas ang dating ko sakanya, yung tipong pag pindot ko ng open button, pagbukas nito'y masasabi kong "hi beautiful, welcome to my payong!"
Ako'y nagmadali, nakalimutan ang sukli, agad lumabas ng store, pero ako'y late na pala ng ilang minuto, siguro mga four...

Nakita ko siya, sinundo na ng iba, wala akong nagawa kundi ang tumunganga.
Naisip ko nalang, 7-11, pwede ko pa bang balikan ang sukli ko?
Mahirap talagang baguhin ang nakatadhana nang mangyari.
Kahit anong gawin mo'y wala ring mangyayari.
Pag sumabay pa ang biro ng tadhana,
Siguradong lalong hindi ka matutuwa.

Pero andito parin ako, hindi susuko!
Matigas ang aking ulo, ayaw patalo.
Iniisip na baka mapuwing din sakin 'tong babaeng 'to.
Kahit na alam kong iba ang kanyang gusto...

Oo, iba ang kanyang gusto.

Isang beses, nakisabay ako sa elevator, ako'y nakisiksik sa bandang likod at sila ng kaibigan niya ay malapit sa pinto, as usual, di naman niya ako napansin. Mga siyam kami sa loob, pinilit kong sumagap sa usapan nilang halos pabulong, ahhhh, may crush pala siya kay Brando... Sad 'no?
Mga tenga ko'y pinilit na ibaling sa kanilang mahihinang usapin, pero paulit-ulit pumapasok kahit ayokong isipin, yung sinabi niyang "ang gwapo ni Brando! Crush ko siya, sana ako, crush niya rin!"
Tangina mo Brando, paupak naman kahit sa panaginip lang din!

Araw ang lumipas, tila yata ako'y balisa,
Sa trabaho'y wala nang gana, pati sarili'y napabayaan na.
Naliligo parin naman ako araw-araw, nag-aayos parin naman kahit di niya matanaw.
Pero pansin ko naman, eyebags ko'y malala na daw.

Dahil dito'y naisip ko, balewala lang rin pala yung mga ginagawa ko.
Siguro oras na para itigil na, kahibangan ko'y malala na.
Kahit puso ko'y gusto pang lumaban, damdamin ko naman labis nang nasasaktan.
Nabalitaan ko kasi, ilang buwan nang nakaraan,
Sila na pala ni Brando, di ko manlang naramdaman.

Akala ko'y kaya kong manalo sa laban ng pag-ibig, lahat nama'y ginawa ko.
Pero ang akala ko'y mukha yatang maling akala, pinapaniwala ang sarili sa mga bagay na imposible.
Paanong magkakagusto sa akin ang katulad niyang diwata?
Kung ako'y tao lamang, walang muscle at abs na mahiwaga.
Pero kung di talaga siya para sa akin sasaya, susubukan kong maging masaya, kahit mahirap makitang masaya siya sa piling ng iba.

At habang ako'y nasa malayo't nakatanaw sakanilang dalawa, pinapanood kung paano sila maging masaya,
Para akong nanonood ng sarili kong eksena sa pelikula.
Na yung mundo ko raw ay unti-unting sinasakop ng iba.
At habang ako'y takot na takot sa pananakop niya,
Siya nama'y nakangisi, kita ko ang kanyang ligaya't saya.
Ngayon gusto ko lang malaman, paano ako sasaya kung ang mundo ko'y sinakop na ng iba?

Hanggang kailan ko pahihirapan ang sarili, sa mga ngisi na hindi nila maitatanggi?
Masaya silang dalawa, diba dapat, ako'y masaya narin?
Bakit masakit parin na sa wala lahat napunta,
Mga ginawa ko noon, bakit walang silbi ngayon?

Oo, masyado akong naghangad.
Inakala kong mapapasakin siya.
Ang taong ginawa kong mundo,
Ayu't mundo na ng iba.

Alam kong wala akong karapatan, di rin naman kasi ako umamin.
Duwag ako pagdating sa nararamdaman ko, kaya't mahal ko'y di napasa-akin.
At kung umamin man ako, di ko rin sigurado?
Pero mas maganda nalang rin siguro 'to, kesa malaman kong hindi niya ako gusto.

Alam kong iniisi...

About the Author :

Joined: January 7, 2019 (6 months old)
Writings: 5
Send PM  ·  Male  ·  Offline

Suggested writings:

2  ·  6  ·  4  ·  176
 · 

Comments
Enoch
July 5, 2019 (17 days ago)

Sweet na tao to at napaka-observant.Β Β Makulit din mag-isip kahit medyo may pagka distant. Pansin din ang konting reservations at pagka thoughtful. Napapangiti na lang ako pag nababanggit ang mga presyo, galante pero masinop (yata).Β Β I like the way you think and pagiging creative kahit pa sabihin nating fiction lang to. One good soul, right there.

Nays wan brader !

"If you are insane you are unpredictable and if you are unpredictable you are never boring."

Reply  ·  Like (1)  ·  Report
FckdUp04
July 5, 2019 (17 days ago)

Grabe boss Enoch! Iba talaga mga comments mo, nakakataba ng puso. Maraming salamat sir!

Reply  ·  Like (0)  ·  Report
sweetrevenge_99
July 6, 2019 (16 days ago)

Kyahh! Kinilig ako... Bet ko to fiction mo

@Jo.11.18.17πŸ’—

Reply  ·  Like (1)  ·  Report
FckdUp04
July 6, 2019 (16 days ago)

Salamat sa pagkilig ate. 😊

Reply  ·  Like (0)  ·  Report
User Not Found
July 9, 2019 (13 days ago)

Tara maglakbay sa bagong mundo kung saan hindi lang ikaw o ako kundi tayo.., chereret 😁
(βŒ’.βˆ’)οΌβ˜… beng! kilig my heart strings.

Like (1)  ·  Report
FckdUp04
July 9, 2019 (13 days ago)

Hahahaha tara! Salamat. πŸ˜πŸ‘

Reply  ·  Like (0)  ·  Report
Add New Comment
Recent Comments