ITLOG, CARROTS O KAPE

Naihinga ng bunsong anak na babae sa kanyang ama na isang kusinero ang kanyang mga pinagdadaanang paghihikahos sa buhay. Kulang na kulang ang kakarampot na kita ng kanyang asawa na isang simpleng construction laborer lamang. Matapos marinig ang mga hinaing ng bunsong anak, niyaya ng ama ang anak sa kusina ng pinagtatrabahuang hotel.

Agad na nagsalang ito ng tatlong kaserola na nilagyan nya ng tig-iisang basong tubig. Nang kumukulo na ang tatlong kaserola, nilagyan nya ang isa ng isang itlog, ang isa naman ay isang carrot, at ang isa pa ay nilagyan nya ng giniling na kape. Hinayaan ng amang kusinero na kumulo ang tatlong kaserola ng ilang minuto.

At isinalin niya ang kape sa isang baso, ang carrot sa isang platito gayundin ang itlog. Inakbayan nya ang naghihinagpis na anak at inilapit ito sa mga ito. Tinikman ng anak ang kape at nasabi nyang matapang ang lasa ng kape. Binalatan ng ama ang itlog, hard-boiled na ito. Gayundin. Hinayaan niyang tusukin ng anak ang carrot na pinakuluan. Malambot ito.

At nagpaliwanag ang ama. "Ang tatlong bagay na nasa kanyang harapan ay humarap sa iisang bagay, ang kumukulong tubig. Ang carrots ay lumambot, nangh...