SI LOLA MIMAY

Habang binabagtas ng isang provincial bus ang kahabaan ng baku-bakong daan sa may Camarines, pinara ito ng isang grupo ng mga bandido. Napilitan ang drayber na ihinto ang bus sa tabi ng daan. Nasa isang masukal na bahagi ng daan ang pinaghintuan ng bus.

Agad na umakyat ang mga bandido sa loob ng bus. At nagpahayag ang pinaka pinuno ng mga ito sa nahihintakutang mga pasahero. " Holdap ito. Ibigay nyo sa amin ang mga dala nyong pera at walang masasaktan!" Agad na kumuha ng supot ang ilan sa mga bandido at sinimulang kunin ang pera ng bawat pasahero. Lumapit ang isang bandido at may ibinulong sa kaniang pinuno. Napangisi ito sabay muling nagsalita sa mga pasahero. "Inuutusan naming bumaba ang lahat ng mga babaing pasahero...