KAHILINGAN

Si Onyot ay sinamang palad, na ng magsabog ang tadhana ng kagandahang lalaki, natutulog ang nanay nya. At ng magsabog naman ang tadhana ng kabaligtaran, saka ipinaglihi ng nanay nya si Onyot. Kaya naman ng iluwal siya ng nanay nya sa mundong ibabaw, siya yung mukha na pag natitigan mo, ayaw mo nang matitigang muli.

Binata na si Onyot ng maisipan nyang wakasan na ang kanyang buhay dahil sa matinding kalungkutan at kasiphayuan. Kumuha siya ng isang lubid at pumunta siya sa kanilang likod bahay at naghanap ng puno para magbigti.

Kasalukuyan na nyang itinatali ang lubid sa sanga ng isang puno para gawin ang binabalak na pagkitil sa kanyang sariling buhay, ng makarinig siya ng boses sa ibaba ng puno.

"Onyoot, Onyot!" sabi ng tinig.

"Bago mo gawin ang binabalak mo, iligtas mo muna ako dito at bibigyan kita ng tatlong kahilingan upang mabago ang mundo mo!" Sabi pa ng tinig.

Dahan-dahang bumaba si Onyot mula sa puno na hawak ang lubid na hindi pa niya nagawang itali sa sanga ng puno. Napansin niya ang isang kuneho na nadadaganan ng isang malaking bato.

"Alisin mo ang bato na nakadagan sa akin at tutuparin ko ang tatlo mong kahilingan." Sabi ng kuneho. Hindi makapaniwala, pero inalis ni Onyot ang bato na nakadagan sa kuneho. Bigla naging isang magandang diwata ang kuneho.

" Salamat Onyot sa pag-alis mo ng batong nakadagan sa akin." Sabi ng Diwata.

"Humiling ka ng tatlong kahilingan, at ito ay matutupad!"
...