Writings about misjudged (1)
1 of 1

Only God Knows Why

Submitted by on March 18, 2016 (8 months ago)
Posted in Poem: Tagalog | Categories: Erotic | Tags: , , ,

Only God Knows WhySa aking paglakad sa buhay na ito,
Madami din akong nakahalubilo,
May iba't-ibang uri ng mga tao:
May mga hayop na nasa katawang tao.

Akin ngang batid na ang tao'y di perpekto,
Kahit anong lapit, ito'y nalalayo;
Gumawa man ng mainam at ng buo-
Makakakitaan ng pagkukulang 'to.

Ako nga'y may ipapamanhik sa inyo;
Na ako'y tao din naman na tulad ninyo-
Sa paghatol nyo nawa ay mailayo,
Pagka't talastas kong paghatol nyo'y liko.

Heto ako humaharap, nakatayo,
Nagsasalitang walang halong lilo,
Sapagkat ayaw kong kayo'y mangalito,
Sa kabuoan ng aking ikukwento.

Pagka't ako'y may iwi-iwing kung ano,
May kinikimkim dito sa aking puso,
Nagtitimpi na lang na 'wag masabi 'to,
At baka ikagunaw ng aking mundo.

Ngunit dumating ako sa ganitong punto:
Na ang damdamin ay di na maitago,
Kaya sana bago lumisan sa mundo:
Sana'y madinig nyo ang saloobin ko....

1